Syair Rasul (Nabi) 25 of Aceh Language

Rasul dua ploh limong

Bandum Nabi beutaturi wahe taulan

Dua ploh limong yang tesebot dalam Qur’an

Teuma yang keu phon wahe kaom Nabi Adam

Nyang keuh indatu wahe teungku bandum insan

Nyan keudua hai saudara Nabi Idris

Lam syuruga dalam mata neutop iblis

Keu lhee Nabi Noh masa tupheun neupeuget kapai

Neu peuding kenan bala tentara jeuneh bekai

Peut Nabi Hud  limong Shaleh nam Ibrahim

Nyang that murah lom seujahtra perangai halim

Tujoh Nabi Luth lapan Ishaq dan Isma’il

Yoh dimina yoe Rabbana neu keumeusie

Siploh Harun siblah Musa aneuk Imran

Buket Tursina droe neu marid dengen Tuhan

Duablah Daud leumoh lembot mangat that su

Ie nyang dilee jadeh le teudong laju

Teuma keu lheeblah ulon peugah Dzulkifli

Nabi Sulaiman karonya Tuhan pangkat tinggi

Nabi Ilyas karonya Allah Hudep Jinoe

Namblah Yusuf beuleun that sam lakoe

That jroh rupa Nabi Yusuf hai boh hate

Pungo Zulaikha peurumoh raja Nanggroe Meuse

Tujohblah Syu’ib umu katrep seupot mata

Nyang joek tungkat keu mukjizat Nabi Musa

Keu lapanblah ulon pegah Zakaria

Nabi Aiyub Nabi Ilyasa’ Nabi Yahya

Dua ploh dua hai saudara Nabi Ya’kop

Dua ploh lhee Nabi Yunus lam pruet eungkot

Dua ploh peut ulon seubot Navi ‘Isa

Aneuk Maryam karonya tuhan hana Bapak

Dua ploh limong pham beukeunong hai meutuah

Nabi Muhammad panghulee Rasul aneuk Abdullah.